
"Air Belgium S.A." kompaniýasynyň tehniki direktory
Ýurgen Zene (Juergen Sehne) jenaplary awiasiýa tehnikasyna tehniki hyzmat etmek we ony abatlamak ugrunda giň tejribesi bolan awiasiýa pudagynyň ýokary derejeli ýolbaşçysydyr. Onuň ýolbaşçy wezipelerdäki iş tejribesi 25 ýyldan gowrak. Ol halkara awiasiýa kompaniýalarynda çylşyrymly tehniki guramalary dolandyrmakda, köp ugurly toparlara ýolbaşçylyk etmekde, iş amallaryny kämilleşdirmekde we strategik özgertmeleri geçirmekde üstünlikli tejribä eýe.
Iş ýolunyň dowamynda Zene jenaplary awiasiýa pudagynyň dürli ugurlarynda ýolbaşçy wezipelerde işledi. Olaryň hatarynda inženerçilik, tehniki ulanyş, operatiw we döwürleýin tehniki hyzmat, uçuşa ýaramlylygy saklamak (CAMO), tehniki meýilleşdirme, tehniki hyzmaty dolandyrmak, önümçiligi dolandyrmak we VIP synpyndaky howa gämilerine hyzmat etmek bar. Ol strategik ýolbaşçylyk, býujeti dolandyrmak, kadalaşdyryjy-hukuk talaplaryna laýyklygy üpjün etmek, «Lean Management» tygşytly önümçilik we «Kaizen» ulgamlaryny ornaşdyrmak, şeýle hem işewürligi özgertmek ugurlarynda çuňňur başarnyklara eýe.
Häzirki wagtda «Air Belgium S.A.» kompaniýasynyň tehniki direktory hökmünde ol awiakompaniýanyň Tehniki departamentine we Uçuşa ýaramlylygy saklamak gullugyna (CAMO Services) ýolbaşçylyk edýär.